Mahmud II.

Dr Mahmud II. (osmanisch محمود ثاني‎ Mahmud-ı sānī; * 20. Juli 1785 z Istanbul; † 1. Juli 1839 z Istanbul) isch vo 1808 bis 1839 Sultan vom Osmanische Riich gsi. Wääred sinere Regierig isch het Serbie d Autonomii üüberchoo und Griecheland isch unabhängig worde. Em egüptische Statthalter Muhammad Ali Pascha isch s glunge d Macht vo dr osmanische Zentralregierig z verchliinere und si äignig Iifluss z versterke. Dr mamlukisch Statthalter Daud Pascha z Bagdad het das au brobiert, isch aber von ere osmanische Armee abgsetzt worde. Uf dr andere Site si im Mahmud sinere Regierigszit e hufe Reforme duuregfüert worde. D Janitschare si mit Gwalt zerschlaage worde und eso isch s mööglig worde, d Armee z modärnisiere. Innepolitisch het er d Zentralgwalt welle sterke und het brobiert, vorkonstituzionelli Berootigsgremie und Instiduzioone noch öiropäischem Vorbild iizfüere und eso s osmanische Riich z reformiere.